文章分類: 狂想曲 (軒爸湊仔公)

脾四奪金

littlelittlehin — Mon, 25 Aug 2008 17:24:18 +0800

旁述A:「呀, 發脾四響今屆奧運會, 終於被列為競賽項目喇噃.」
旁述B:「係呀, 呢項歷史悠久, 全球最多人玩o既運動, 今屆終於被國際奧委會納入為競賽項目,阿爺仲交左俾香港協辦添呀!」
旁述A:「香港有咁多馬迷, 馬術交俾香港攪, 呢個我明吖. 但發脾四呢個咁重要o既賽事, 我就唔多明嘞.」
旁述B:「呢個你有所不知喇, 香港地係全中國人最神經緊張既地方, 啲人嚮地鐵俾人輕輕碰一碰就眼掘掘, 行街時前面嗰個行慢啲又『jap』人. 總之, 動不動就發脾四, 香港嚮脾四界真係人才輩出架.」
旁述A:「又係喎, 我地特首都時不時發下脾四咁啦, 發脾四呢個運動真係深入社會每一個階層喎.」

旁述B:「係呢, 我地而家睇咩賽事咁呢?」
旁述A:「今日係發脾四既總決賽, 咁梗係睇發脾四啦!」
旁述B:「唔. 好嘞, 嚮畫面上左手邊o既守方, 就係脾四工夫相當到家既軒媽. 右攻左o既, 就係脾四界既新星軒軒.」
旁述A:「呢個軒軒呢, 能夠嚮死亡之組以首名出線, 絕對唔簡單. 嚮四年前雅典奧運嗰時, 佢不過仲係粒卵咋.」
旁述B:「好勒開賽嘞. 一大清早, 軒軒就以驚人既爆發力發難, 嘈住要開櫃桶俾佢玩, 向軒媽作出挑釁啦喎.」
旁述A:「係呀, 軒媽行出房門, 似乎未有咩心理準備, 俾佢嚇左一跳咁喎. 好在佢啱啱訓夠心情靚, 輕易忍住脾四, 力保不失.」
旁述B:「哪, 話口未完, 軒軒就跑去玩家規中列明不能玩既『門門open close open close』遊戲啦囉.」
旁述A:「係呀, 呢招轉得真係又快又狠呀.」
旁述B:「可惜o既係, 呢招對一向視家規於無物o既軒媽, 完全起唔到作用咁喎.」
旁述A:「呢一著的確令軒軒俾評判扣唔少點數. 為左扳回點數, 軒軒唯有使出佢o既看家本領, 『乜都唔呀』.」
旁述B:「呢招厲害囉, 乜都唔制, 衫衫唔著, 片片唔著, 褲褲唔換, 總之乜差都唔.」
旁述A:「係喎, 乜都唔, 咁點換衫出街食早餐呢? 呢一著厲害之處, 在於一般扭計可以唔理佢, 但衫衫點可以唔著呢? 好高招哦!」
旁述B:「軒軒得米嘞, 軒媽好似真係無剛才咁鬆容, 火火地啦番.」
旁述A:「係呀, 呢類近身攻擊, 效果通常非常顯著!」
旁述B:「出街啦喎, 呢個情況對軒軒呢講有D不利, 條街咁多巴士睇, 好容易唔記得左比賽緊架喎.」
旁述A:「你以為啦, 呢D叫留力. 你睇下,你睇下, 哪, 去到大快樂食早餐, 軒軒又突然發招嘞!」
旁述B:「軒軒不單止扭計唔坐BB櫈, 仲當眾發難大喊添! 喊聲係假左啲, but it works!」
旁述A:「軒媽呢次真係火都嚟, 終於失守脾四, 將軒軒捉出門口, 大肆教訓咗一餐. 軒軒好嘢, Yeah!」
旁述B:「哈哈, 有結果嘞, 估唔到軒軒有『當眾發難』呢招. 軒媽終於被新脾四王軒軒技術性『激到』, 為香港奪得首金, 恭喜恭喜!」

市井客棧(二)

littlelittlehin — Thu, 29 May 2008 13:28:25 +0800

(接上文)
盲婆此時突走進了客棧, 竟喃喃地諗到:「大蝦細俾屎餵大蝦細俾屎餵大蝦細俾屎餵...」徒兒阿七, 立刻像帶了金剛圈的孫悟空一樣, 抱頭大叫, 亂衝亂撞, 跟本無法打鬥. 九両菜不戰而勝.

九両菜冷笑一聲, 別過頭來, 準備尋找下一個目標. 他一眼, 就看中新來的遊子穆軒. 不, 應該是他手有上的小布偶. 九両菜可能知道遊子初出茅蘆不懂武功, 看他也逃不到那裡去, 竟張狂的放慢步伐, 一步兩步的走到遊子跟前, 搶走那個小布偶.

遊子他好想哭. 嗨, 孩子, 出來走江湖就是這樣囉, 哭甚麼? 只是, 遊子其實也不是因為被欺負才要哭, 但, 那是媽媽給他的小布偶哦! 所以, 率性的他, 就真的哭了出來.

愛理不理的山東大嬸, 此時才施施然的走過來, 要九両菜交還小布偶. 九両菜似乎忌這大嬸三分, 但還是不肯交出小布偶. 此時, 本來失了常性的阿七, 突然從暗角走出來, 肘拉掌推, 再加個拿手的擒拿手, 就奪回了小布偶, 交還給遊子穆軒. 九両菜此時是心有不甘的, 但, 他就是趕不上那個會使凌波微步的阿七, 竟遷恕於遊子穆軒. 說時遲, 那時快. 他衝過去, 一記老拳, 就把遊子穆軒打倒在地上了.

山東大嬸似乎終於看不過去, 上前擒住九両菜, 著九両菜訓話. 但訓話的內容, 竟是:「BB, 佢唔俾個公仔你玩係佢唔啱, 但係你都唔可以打人架嘛.」

唔係化! WTF! 「唔俾個公仔你玩係佢唔啱?」

此情此境, 我不禁要說:「九両菜吖, 你老母, 點教仔架! 唔教得之個仔咁野蠻啦.」

........

噢! 我竟然在意起孩子的江湖事. 看來, 我練了差不多兩年的婆婆媽媽爸爸功, 又提昇至另一境界囉!

市井客棧(一)

littlelittlehin — Wed, 16 Apr 2008 14:11:18 +0800

在市井客棧內, 初出茅蘆的遊子穆軒, 正獨自坐在一旁喝悶酒. 他左手拿酒杯, 右手拿著媽媽給他的小布偶, 胸口卻有一腔鬱悶. 旁人總猜不透他想甚麼, 只知道在他俊朗的外表上, 總帶著點點鄉愁.

未幾, 一個人稱怪俠阿七的俠士, 踢推開大門, 選了個最角落的位置, 叫了一磅肉, 一罈女兒紅. 蒲坐下, 他便發現了遊子穆軒. 他見遊子穆軒氣宇軒昂, 有著不凡的氣派, 深覺此子絕非池中物, 將來定能在武林上能獨當一面, 一看心裡便喜歡. 他走上前, 意欲結識遊子穆軒. 可是, 遊子早知江湖險惡, 好人是有, 但立壞心腸的更多, 是以他未敢回應半句. 怪俠阿七亦知在江湖交上一知己, 豈能三言兩語便成. 所以, 他亦沒有怪罪於遊子穆軒.

剛巧, 阿七的師父盲婆步過客棧, 他就走了出去, 從師父口袋裡, 取了一顆夜明珠, 要送給遊子穆軒作見面禮.

他正欲回到遊子身旁時, 一把如雷貫耳的聲音, 響澈整間客棧. 「拖寫! 拖寫!」那是一把大嬸的聲音, 遊子穆軒聽得出那其實是帶山東口音的普通話. 她應該在說「脫鞋」. 是的, 原來這間市井客棧有個怪規矩, 進來的客人, 都得脫鞋.

當餘音還殘留在客棧回蕩之時, 惡少九両菜已衝進客棧. 但, 他並沒有「拖寫」. 對此惡行, 客棧內各人無不深感厭惡. 而怪俠阿七見狀, 已把手按在竹劍上, 欲給這囂張的九両菜一個教訓. 豈料, 九両菜亦非省油的燈, 竟一個箭步竄到阿七身後, 奪去了夜明珠, 並放在手上把玩. 阿七立時擺了個起手式, 九両菜亦不甘示弱, 暗暗吞了一口真氣在丹田, 稍稍運起勁來.

然後, 全客棧的人都屏息靜氣. 似乎, 市井客棧內, 將有一番惡鬥了. 真的不知又有幾何桌椅要無辜犧牲呢?

(待續)

叔叔同我玩

littlelittlehin — Fri, 13 Jul 2007 23:40:19 +0800

早幾天, 軒軒坐在梳化, 突然咭咭笑. 我不解, 問道:「軒軒, 你笑咩呀?」軒軒指著電視櫃說:「叔叔同我玩呀.」我看看那邊, 根本不可能有人, 心有點驚驚, 口震震的問道:「咁... 咁... 咁玩咩呀?」軒軒說:「"woo jart"囉!」

(閱讀全文)

虛擬父親真實電芯 Matrix人生

littlelittlehin — Tue, 06 Feb 2007 14:01:12 +0800

(前言:沒看過Matrix的, 這篇文章你不用看了. 反正看了你也不會明. 當然, 你本來就打算浪費時間的, 又另計. 你多數是無聊後者, 對不?)

聽過了李克勤那首爛歌「未成年同盟會」, 我就明白, 一個正面的父親形象, 是很重要的.

爸爸媽媽喜愛養小狗
我以遊戲機養　永遠難獲接受
公公叔叔睇波大講粗口
卻要我知書識禮做教授
別學壞食煙　身體要康健
擠熄的煙蒂卻留在地氈

其身不正, 怎當父親.
所以, 父親的形象很重要.
那可以是一個嚴正不苛的形象,
又或是一個開放開明的形象.
總之, 就算你個性自私自利頭尖額窄咸濕賤格,
但你總得裝出一個肆肆正正的樣子.
對, 很假的, 但他們智力有限, 仲呃到.
(That's why 他們到了青春期就會覺得你偽善.)

在這個世代, 不真實的東西, 都叫虛擬.
那就是說, 在孩子面前, 要建構一個虛擬父親.
如此, 我有了Second Life.
這個概念很Matrix, 我就像活於Matrix內的虛擬人.

(軒爸自拍照)

(閱讀全文)

軒軒 the Rapper

littlelittlehin — Fri, 02 Feb 2007 11:16:22 +0800

MC 軒軒 :
Yo Yo YoYoYoYo
今朝擘大眼我見到一個傻佬
佢頭髮白白個樣又好鬼老土
佢一啖錫埋嚟一手摸肚肚
仲細細聲叫道「罌咕罌咕罌咕罌咕 BB 早」

(閱讀全文)

慌死縱壞晒教仔綜合症

littlelittlehin — Wed, 31 Jan 2007 17:39:23 +0800

一個雪白的房間, 四面都是厚厚的軟墊.
就連地板都是厚墊.
軒爸坐在一角, 頭顱一下一下狠狠的敲在牆上, 但無聲.
他呢喃著:「唔好教壞我個仔, 唔好教壞我個仔,唔好教壞我個仔......」

那時, 軒媽在房外, 透過一個小圓窗, 看著軒爸, 心也酸了.
她向身旁的醫生問道:「他發生了甚麼事?」
醫生說:「還不太清楚, 妳有沒有發現他最近有甚麼異常?」
軒媽:「怎樣才算是異常?」
醫生把一份資料遞給軒媽, 指著幾行細字要軒媽讀出來.
那幾行細字如下:

(閱讀全文)