香港新浪網 MySinaBlog
軒爸湊仔公 | 25th Apr 2009 | 一般 | (164 Reads)

軒軒痾屎屎痾了好一會, 姐姐問:「軒軒, 痾咗幾多條屎屎呀?」
軒軒站起, 看看屎塔, 有兩條喎, 仲成交叉狀. 想了想, 就答:「痾咗個加號.」
(圖片欠奉, 你不會想看罷?)


軒爸湊仔公 | 16th Apr 2009 | 一般 | (257 Reads)
軒爸:「嗱, BB玩水水玩到濕晒, 爸爸就嬲BB.」(黐線, 唔濕邊叫玩水.)
軒軒:「爸爸媽媽嬲BB, 之後BB就嬲爸爸媽媽.」

軒媽:「BB, 你鍾意海洋公園定廸士尼?」(上星期一口氣去了這兩個地方)
軒軒:「廸士尼.」
軒媽:「咁, 你鍾意廸士尼定科學館多啲?」(昨天又去了科學館)
軒軒:「廸士尼.」
軒媽:「哦! 咁你鍾意廸士尼定梅窩沙灘多啲?」(新歡"廸士尼"誕生了, 要出動軒軒的舊愛"沙灘"嘞)
軒軒:「廸士尼同沙灘.」(軒註:媽, 新歡舊愛, 不能共存嗎?) (父註:這個我知, 當然不可以.)
軒媽:「咁如果淨係可以去一個地方, 你會去廸士尼定梅窩沙灘?」
軒軒:「廸士尼沙灘.」

軒爸湊仔公 | 8th Apr 2009 | 一般 | (382 Reads)
很久很久以前, 在中國的一條小農村, 有個孩子好怕吃啖啖肉的肉, 只肯吃碎肉.
娘很是擔憂. 有天, 娘想出了一妙計, 哄他的寶寶吃肉.
她想, 要是把肉剪成不同形狀, 煮熟, 再醮點寶寶愛吃的沙津醬(好像很難吃耶), 寶寶可能更願意吃.

「來, 寶寶, 來為肉肉剪些形狀, 然後我們煮來吃, 好不好?」娘說.
此計似乎湊效, 寶寶立時扎扎跳, 對這玩意很是熱衷的樣子.
娘問:「四方形, 三角形, 圓形, 你想要甚麼?」
寶寶說:「巴士.」
娘說:「囧.」
寶寶說:「巴士有門門.」
娘說:「囧, 囧.」
寶寶說:「門門open close, open close!」
娘說:「囧!!!」
不過, 概然寶寶說了, 就不好違命. 雖然剪得不像, 但照剪.
就這樣, 日復日, 年復年, 娘竟越剪越順手, 越剪越精緻, 剪得出神入化, 更達致「手剪泰姬陵, 煮好不變形」的境界!

到後來, 此等剪肉工藝, 就在大大小小的農村, 一直流傳下去, 並演變成中國傳統剪紙工藝嘞.
......

嗯, 朋友, 這可是真事來的, 你們就不發現, 農村的剪紙, 才剪得特別有風格嗎?
你們就不覺得, 總是那些村婦, 特別會剪嗎?

軒爸湊仔公 | 7th Apr 2009 | 一般 | (351 Reads)
兩歲十個月了, 孩子越說越多話, 有時說得辭不達意, 有時又鸚鵡學舌, 並連語氣全套模仿. 忽然, 他有會說出一兩句話, 準確地表達他當時所想所思, 嚇你一個大跳. 然而, 正當你訝異著那顆神秘的小腦袋, 到底有甚麼著驚人的發展, 他又會說回一兩句蠢話, 讓你啼笑皆非.

我想, 我得好好利用這近乎荒廢的網誌, 時不時寫啲, 時不時寫啲, 記錄一下這一言一語. (本來不就是這個目的嗎?)

......

軒媽:「BB, 爸爸媽媽放假, 你開唔開心呀.」
軒軒:「頭先嗰日唔開心.」(Well, 我諗佢指尋日.)
軒媽:「點解唔開心呀.」
軒軒:「因為"滋滋滋"嗰啲.」(尋日聽牙醫囉. 唔, 會情緒表達, 仲知因由, 叻仔! 已經比一些大人要叻了.)

穿褲子時, 軒軒都動來動去, 完全不替照顧他的人切想一下.
軒爸有點氣:「BB, 你其實識唔識自己著褲?」
軒軒:「唔, 都識架.」(吖! 老積到吖!)

軒爸:「爸爸抱到手痛, 抱唔到你啦, 自己乖乖落地行啦.」
軒軒:「唔落地!」
軒爸:「唉吖, 爸爸好倦呀! 要喊啦, 唔開心呀, 嗚嗚嗚...」(邊說邊裝哭.)
軒爸:「你自己落地啦, 好唔好?」
軒軒想了想:「好.」(好體貼的孩子噢! 超感動... 真的要哭了.)

軒爸湊仔公 | 2nd Apr 2009 | 一般 | (442 Reads)
正打算去「敵視你」, 仲係玩過夜嗰隻.
昨天, 軒媽網上訂房.
咦, 原來有相睇喎, 就跟軒軒說好了軒媽跟軒軒睡一張床, 我則自己霸一張.
我回家後, 軒媽如是打開網頁, 向問軒軒道:「BB, 你訓邊張床床呀?」
軒軒指著床床:「呢張.」
軒媽又問:「咁爸爸呢?」
軒軒指著另一張:「呢張.」
軒媽又問:「咁媽媽呢?」
軒軒竟露出一絲奸詐的笑容道:「媽媽無位訓!」
軒媽:「吓......」

勁呀, 咁細個就識響愚人節玩阿媽, 儒子可教也!


軒軒相集
軒軒 in Flickr
>>進入<<

This is a Flickr badge showing public photos from jessemok. Make your own badge here.
Google廣告
最新留言
新聞交換
MySinaBlog 精選文章