香港新浪網 MySinaBlog
軒爸湊仔公 | 14th Dec 2007 | 一般 | (456 Reads)

一對男女, 他們本來依循男女心法<<男女大不同>> (Men are from Mars, Women are from Venus)行事, 所以相處時總能處處忍讓, 處處體諒. 但現在, 他們之間多了一個小小大人物, 生活上多了許多考慮, 一切都以孩子的利益為依歸. 然後, 心法好像失效了.

女:「唔好俾阿仔去咁多人o既地方啦. 陣間惹左啲病番黎點算啊!」
男:「且! 怕咩即, 病多幾次, 免疫系統會勁啲, 將來大個都健康啲呀! 唔帶佢出去見下世面, 點得呀!」

女:「死啦, 阿仔家下一個字都仲未識講o既? 會唔會因為屋企又中又英, 阿仔亂晒籠.」
男:「遲D學識咪遲D學識囉, 又唔會學唔識. 一次學兩種, 幾好呀. 我就未聽過有人最後會學唔識講野嘞, 你急乜jack.」
女:「阿婆仲講鄉下話添喎!」
男:「吓, 咩話?」

女:「點解阿仔咁耐都出得嗰幾隻牙仔架?」
男:「你問阿仔囉. 我點知啫?」

女:「你睇實個仔啦, 咪成日俾佢週圍撞呀! 又跌啦!」
男:「喂, 細路仔跌下好平常啫. 唔跌過, 點識平衡jack. 係架噃, 個個都係咁架噃. 喂, 阿B, 快啲自己起番身!」(然後竟還哼著:「跌到大, 個個跌到大, 不足怪, 不足不足怪...」揚長而去.)

類似對白, 相信不少家庭也出現過.

作 爸爸的, 總認為孩子要像「戰狼300」般多多歷練, 最好就天生天養(即自己唔使養), 才能成為一個有用的人. 這不論是學習方面還是孩子的免疫系統. 作媽媽的, 就當然希望孩子少受點傷害, 健康快樂的成長. 兩種出發點, 沒有對錯之分, 甚至可以說, 正正是父母各有極端的想法, 合作起來, 才能平衡孩子成長所需的一切. 這個組合, 就像一隻穩健型基金, 它風險不會太高, 但亦有比保本基金有更可觀的回報.

只是, 這可苦了本來恩恩愛愛的父母親囉!

不過孩子將來會變成怎樣, 我不知道, 畢竟基金價格, 可升可跌. 我只是知道, 我已經將個仔, 跌到"come from Mars"咁o既樣囉.


「地球果然很危險, 你快點回火星吧.」



軒軒相集
軒軒 in Flickr
>>進入<<

This is a Flickr badge showing public photos from jessemok. Make your own badge here.
Google廣告
最新留言
新聞交換
MySinaBlog 精選文章